મીઠાખળી પાસે ટ્રાફિક બ્રાન્ચની ઓફિસની બાજુના પ્લોટમાં જપ્ત થયેલા 150થી વધારે વાહનો ભંગાર બની રહ્યા છે.

જ્યારે દંડ કે પેન્ડિંગ ટેક્સની રકમ વધારે હોય છે ત્યારે વાહન માલિક તેને પાછું લેવાના બદલે ડમ્પ કરી દે છે. કદાચ આ કારણે જ મીઠાખળી ખાતે આવેલી અમદાવાદ ટ્રાફિક બ્રાન્ચની ઓફિસ પાસે ધૂળ ખાઈ રહેલા વાહનોનું ડમ્પયાર્ડ બની રહ્યું છે. પોલીસ દ્વારા એકથી વધારે નોટિસ પાઠવવા છતાં વાહન માલિકો પોતાનું વાહન લેવા માટે નથી આવી રહ્યા.

ટ્રાફિક બ્રાન્ચની ઓફિસના ખુલ્લા પ્લોટમાં 150થી વધારે વાહનો પડ્યા પડ્યા ભંગાર થઈ રહ્યા છે. અધિકારીએ પણ સ્વીકાર્યું હતું કે, કોઈ વાહનનો દાવો કરીને તેનો ફરીથી ઉપયોગ કરવા માટેના રિપેરિંગથી 25,000થી 50,000 રૂપિયાનો ખર્ચ આવી શકે છે. સ્પષ્ટ છે કે માલિકો આ કારણે જ વાહનને પાછું લેવાનો દાવો નથી કરી રહ્યા.

બાઈકની કિંમત કરતા દંડ વધારે! વાહન માલિકો જપ્ત વ્હીકલ છોડાવવા પણ નથી આવતા
બાઈકની કિંમત કરતા દંડ વધારે! વાહન માલિકો જપ્ત વ્હીકલ છોડાવવા પણ નથી આવતા

ડેપ્યુટી કમિશનર ઓફ પોલીસ ટ્રાફિક તેજસ પટેલ કહે છે, પોલીસે જપ્ત કરેલા 120 જેટલા વાહનોમાં કેટલાક RTO ટેક્સ ન ભરવા અથવા ગેરકાયદે પાર્કિંગ કરવા બદલ ટો થયેલા અથવા તો ટ્રાફિકનો દંડ ન ભરવાના કારણે જપ્ત થયેલા છે. તેમાંથી મોટાભાગના ટુ-વ્હીલર બાઈક્સ અને સ્કૂટર છે. જ્યારે કેટલીક રીક્ષાઓ અને માંડ એક કે બે ફોર-વ્હીલર છે.

તેઓ વધુમાં કહે છે, આ તમામ વાહનો પર 6 વર્ષથી વધુ સમયથી કોઈ દાવો કરાયો નથી. દરેક વાહનો પરનો દંડ 10,000થી 30,000 રૂપિયા વચ્ચે છે. અમને શંકા છે કે માલિકો નોટિસનો નજરઅંદાજ કરી રહ્યા છે. કારણ કે દંડ ચૂકવવીને વાહનના રિપેરિંગમાં 10 થી 15 હજારનો ખર્ચ કરવા કરતા તેઓ થોડા વધારે રૂપિયામાં નવું વાહન ખરીદી શકે છે.

જણાવી દઈએ કે નવું ટુ-વ્હીલર 45,000થી 70000 રૂપિયાની વચ્ચે પડે છે અને તેને પણ 10,000 રૂપિયાના ડાઉનપેમેન્ટથી ખરીદી શકાય છે. કેટલાક ટેકનિકલ કારણોસર છેલ્લા 6 વર્ષોથી જપ્ત કરાયેલા વાહનોની હરાજી થઈ શકી નથી. જોકે ટ્રાફિક ડિપાર્ટમેન્ટમાં સતત વધી રહેલા આવા વાહનોના કારણે આખરે તેમની હરાજી કરવાનું નક્કી કરવામાં આવ્યું છે. તેજસ પટેલ કહે છે, અમે વાહનોને કેટેગરાઈઝ કરવાની પ્રોસેસમાં છીએ અને ઓક્શન માટે જરૂરી કોર્ટની પ્રક્રિયા કરી રહ્યા છીએ.

  • તમારો કિંમતી સમય આપીને વાંચવા બદલ આપનો ખુબ ખુબ આભાર.
  • તમારો અભિપ્રાય અમને કોમેન્ટ બોક્સ માં જરૂર થી બતાવો.

LEAVE A REPLY

Please enter your comment!
Please enter your name here